Tag Archives: Procurement

ತೊಗರಿ ಬೆಳೆಯ  ಖರೀದಿ ಕೇಂದ್ರ ತೆರೆಯಲು ರೈತ ಸಂಘ ಆಗ್ರಹ | ಸಂಜೆವಾಣಿಗೆ ಸ್ವಾಗತ

ಬಳ್ಳಾರಿ, ಜ.18:ರಾಜ್ಯ ಸರ್ಕಾರವು ತೊಗರಿ ಬೆಳೆ ಧಾನ್ಯಕ್ಕೆ ಸೂಕ್ತ, ನ್ಯಾಯೋಚಿತ ಬೆಂಬಲ ನೀಡಬೇಕು ಹಾಗೂ ತೊಗರಿ ಬೆಳೆ ಖರೀದಿ ಕೇಂದ್ರವನ್ನು ಬಳ್ಳಾರಿ ಜಿಲ್ಲೆಯಲ್ಲಿ ತೆರೆಯಬೇಕು ಎಂದು ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ಸಂಘಟನೆ ಒತ್ತಾಯಿಸಿದೆ.ರಾಜ್ಯ ರೈತ ಸಂಘದ ಬಳ್ಳಾರಿ ಜಿಲ್ಲಾ ಘಟಕದ ಅಧ್ಯಕ್ಷ ದರೂರು ಪುರುಷೋತ್ತಮಗೌಡ ಅವರ ನೇತೃತ್ವದಲ್ಲಿಂದು ಮಧ್ಯಾಹ್ನ ಜಿಲ್ಲಾಧಿಕಾರಿಗಳ ಕಛೇರಿಗೆ ನಿಯೋಗದಲ್ಲಿ ತೆರಳಿ ಮನವಿ ಪತ್ರ ಸಲ್ಲಿಸಿದ ಪದಾಧಿಕಾರಿಗಳು, ರೈತರು ಬಳ್ಳಾರಿ ನಗರ ಮತ್ತು ಜಿಲ್ಲೆಯಲ್ಲಿ ತೊಗರಿ ಬೆಳೆ ಖರೀದಿ ಕೇಂದ್ರವನ್ನು ತೆರೆಯುವಂತೆ ಮನವಿ ಪತ್ರ ಸಲ್ಲಿಸಿದ್ದಾರೆ.ರಾಜ್ಯ ಸರ್ಕಾರವು ತೊಗರಿ ಬೆಳೆಯನ್ನು ಬೆಳೆದ ರೈತರಿಗೆ ನೆರವಾಗುವ ನಿಟ್ಟಿನಲ್ಲಿ ಬೆಂಬಲ ಬೆಲೆ ಘೋಷಿಸಿ ಖರೀದಿ ಕೇಂದ್ರಗಳನ್ನು ತೆರೆಯುವಂತೆ ಆದೇಶಿಸಿದೆ. ಆದರೆ, ಬಳ್ಳಾರಿ ಜಿಲ್ಲೆಯಲ್ಲಿ ಇದುವರೆಗೂ ಖರೀದಿ ಕೇಂದ್ರವನ್ನು ತೆರೆಯದೇ ರೈತರಿಗೆ ಅನ್ಯಾಯ ಮಾಡಲಾಗಿದೆ, ಜಿಲ್ಲಾ ಆಡಳಿತವು ಈ ಬಗ್ಗೆ ಕೂಡಲೇ ಗಮನ ಹರಿಸಿ, ಖರೀದಿ ಕೇಂದ್ರ ತೆರೆಯಬೇಕು, ತನ್ಮೂಲಕ ತೊಗರಿ ಬೆಳೆದ ರೈತರ ನೆರವಿಗೆ ಮುಂದಾಗುವಂತೆ ರೈತ ಸಂಘ ಕೋರಿದೆ.ದರೂರು ಪುರುಷೋತ್ತಮಗೌಡ ಸೇರಿದಂತೆ ಎಸ್.ಕೆ.ದೊಡ್ಡದಾಸಪ್ಪ, ಕೆ.ಎಸ್.ಜಡೆಪ್ಪ, ಜಿ.ಶಿವಶಂಕರರೆಡ್ಡಿ, ಎಸ್.ಕೆ.ಈಶ್ವರಪ್ಪ, ಕೆ.ಭೀಮ ಮತ್ತು ಇತರರು ಮನವಿ ಪತ್ರ ಸಲ್ಲಿಸಿದ್ದಾರೆ.

Source: ತೊಗರಿ ಬೆಳೆಯ  ಖರೀದಿ ಕೇಂದ್ರ ತೆರೆಯಲು ರೈತ ಸಂಘ ಆಗ್ರಹ | ಸಂಜೆವಾಣಿಗೆ ಸ್ವಾಗತ